రాత్రి చదువుకోవడం, హోంవర్క్ చేసుకోవడం అయ్యాక టివి చూస్తూ అమ్మ కేకలేశాకే నిద్రపోడానికివెళ్ళావు. పొద్దున్న ఎన్నో సార్లుకేకలేసి లేపితేగాని మెళుకువ రాలేదు. స్నానంచేశాక చాలాసేపటివరకూ నీకు బద్ధకం ఒదలలేదు. ఇది రోజూ జరిగేదే
ఇలాజరక్కుండా ఒక ఐడియా విను. నువ్వు నిద్రలేచాక మంచంకేసే చూడవు. పక్కబట్టలు చెదిరిపోయివుంటాయి.కప్పుకున్న దుప్పటి వుండలుచుట్టుకుని వుంటుంది.పనులన్నీ అయ్యాక అమ్మే పక్క సర్దుతుంది.
నువ్వు లేవగానే పక్క సర్ది దుప్పటి మడతపెట్టేశావే అనుకో అమ్మ సంబరపడిపోతుంది. నీగురించి నాన్నతో, చుట్టుపక్కల ఫ్రెండ్స్ తో గొప్పగొప్పగా చెప్పేస్తుంది. ఈ సెంటిమెంటు నీకు బాగుంటుంది కదా!
ఇందులో అంతకంటే పెద్ద ఉపయోగమే వుంది. రాత్రంతా నిద్రపోవడం వల్ల నీ కండరాలు ముడుచుకుపోతాయి కదా! లేవగానే పక్క నర్ది, మడతలు పెట్టడమంటే అది వార్మింగ్ ఎక్సర్ సైజే కదా! అంటే బద్ధకంపోయి మడ్డుతనం వదలడమే కదా!
ఇంకో విషయం - అడ్డదిడ్డంగా వున్న పరిస్ధితిని చక్కదిద్దుకోవడంతోనే రోజు ప్రారంభించడం మంచి యాటిట్యూడ్ అనిపించడంలేదూ? దీన్న లైఫ్ కి అప్లయ్ చేసుకోవడం కూడా ఒక సక్సెసే కదా! Small things makes big difference అంటే ఏమిటో అర్ధమైందికదా!
మరి రేపటినుంచీ పొద్దున మంచం దిగగానే పక్కసర్దే పని
నువ్వే చేస్తావు కదూ!
-ఫేస్ బుక్ మామయ్య
No comments:
Post a Comment